thiSweek – ဒီအပတ်သင်ခန်းစာ
၁။ဘုရားဆိုတာဘာလဲ
ဘုရားဆိုတာကနာမည်မဟုတ်ဘဲဂုဏ်ပုဒ်တစ်ခုပဲဖြစ်ပါတယ်။ပုဂ္ဂ္ဂိုလ်တစ်ဦးဦးကိုကိုယ်ကနေပြီးတော့ပေးအပ်သောဘွဲ့၊ဂုဏ်ပုဒ်တစ်ခုပဲဖြစ်တယ်။သူရဲကောင်းတို့၊ဆရာဝန်တို့၊အင်ဂျင်နီယာတို့၊ဆရာတို့ဆိုတာဘွဲ့ပါ။များစွာသောသူရဲကောင်းရှိတယ်၊များစွာသောဆရာဝန်ရှိတယ်၊များစွာသောအင်ဂျင်နီယာရှိတယ်၊များစွာသောဆရာရှိသလိုများစွာသောဘုရားလည်းရှိပါတယ်။ဘာကြောင့်လဲဆိုတော့ဘုရားဆိုတာကနာမည်မဟုတ်ဘဲဂုဏ်ပုဒ်တစ်ခုသာဖြစ်လို့ပါ။
လူတစ်ဦးကတခြားအရာတစ်ခုခု၊ပုဂ္ဂ္ဂိုလ်တစ်ဦးဦးကိုဘုရားဆိုတဲ့ဂုဏ်ပုဒ်ကိုပေးလို့ရလို့ပါ။ခရစ်ယာန်တွေယုံကြည်တဲ့ဘုရားဟာဘယ်လိုမျိုးဘုရားလဲလို့မေးမယ်ဆိုရင်၊ဘယ်တစ်စုံတစ်ဦးအပေါ်မှာမှမှီဝဲခြင်းမရှိဘဲ၊သူ့ကိုယ်သူတည်ရှိကာ၊အရာရာတို့ရဲ့အစလည်းဖြစ်ပြီးစကြာဝဠာမှာရှိသောအရာခပ်သိမ်းကိုဖန်ဆင်းပြီးတော့ထိုအရာခပ်သိမ်းကိုသူ့ရဲ့တန်ခိုးတော်၊သူရဲ့ဉာဏ်ပညာတော်နှင့်သူ့ရဲ့ချစ်ခြင်းမေတ္တာတော်တွေအားဖြင့်ယနေ့ထိတိုင်အောင်တည်တန့်ခိုင်မြဲစေတဲ့အသက်ရှိတဲ့ပုဂ္ဂိုလ်ကိုယုံကြည်ကိုးကွယ်တာဖြစ်ပါတယ်။
ဘုရားဆိုတာတိတိကျကျအနက်ဖွင့်ဖို့တော့မလွယ်ကူလှပေမယ့်ဒါဟာအနီးဆုံးဖြစ်မယ်လို့ယုံကြည်ပါတယ်။သူသည်နံဝိညာဉ်ပုဂ္ဂုလ်ဖြစ်ပါတယ်။ဒါကြောင့်သူ့ကိုကိုးကွယ်သူတိုင်းကနာမ်ဝိညာဉ်နှင့်ကိုးကွယ်ရတယ်။ခရစ်ယာန်တွေမှာဘာကြောင့်ရုပ်တုဆင်းတုတွေမရှိ၊မကိုးကွယ်တာလည်းဆိုတော့ဘုရားသခင်ကိုယ်တိုင်ကဓမ္မဟောင်းမှာမှာခဲ့တယ်၊ငါနဲ့ပတ်သက်ပြီးရုပ်တုဆင်းတုမထုမလုပ်ရဘူးလို့မှာခဲ့တယ်။ထိုဘုရားကိုကိုးကွယ်တဲ့သူကနာမ်ဝိညာဉ်နဲ့၄င်း၊သစ္စာနဲ့၄င်းကိုးကွယ်ရတာဖြစ်ပါတယ်။ဒါကြောင့်ခရစ်ယာန်တွေရဲ့ကိုးကွယ်ခြင်းကိုနားမလည်တဲ့အခြားသောဘာသာတွေကခရစ်ယာန်တွေကိုဘာပြောတတ်လဲဆိုတော့မမြင်ရတဲ့ဘုရားကိုဘယ်လိုနဲ့ကိုးကွယ်မှာလဲရှိမရှိဘယ်လိုသိတာလဲဆိုပြီးတော့မှမေးတတ်ကြပါတယ်။ကျွနု်ပ်တို့ကိုးကွယ်တဲ့ဘုရားဟာသစ္စာနှင့်နာမ်ဝိညာဉ်နဲ့အတွင်းစိတ်ဝိညာဉ်နှင့်အဆက်လုပ်ပြီးကိုးကွယ်ထိတွေ့ခံစားရတဲ့ဘုရားရှင်ဖြစ်ပါတယ်။
သူသည်ချစ်ခြင်းမေတ္တာပုဂ္ဂိုလ်ဖြစ်တယ်။
God is Love. ၁ယော၄း၈… ချစ်ခြင်းမေတ္တာမရှိသောသူသည်ဘုရားသခင်ကိုမသိ။အကြောင်းမူကား၊ဘုရားသခင်သည်ချစ်ခြင်းမေတ္တာဖြစ်တော်မူ၏။ Whoever does not love does not know God, because God is love. ဆိုတော့ဘုရားရှင်ကချစ်ခြင်းမေတ္တာဖြစ်တယ်။ဘာဖြစ်လို့ဒီကျမ်းစာကအရေးကြီးသလဲဆိုရင်ကျွနု်ပ်တို့အခုချိန်မှာယုံကြည်သူခရစ်ယာန်တွေကိုပြောပြချင်တာကကျွနု်ပ်တို့ရဲ့ Theology ဟာချစ်ခြင်းမေတ္တာပေါ်၌မူတည်ခြင်းမရှိသော Theology ဆိုရင်ကျမ်းစာကိုဖတ်တဲ့အခါမှာနားလည်ရအင်မတန်မှခက်ပါမယ်။ကျမ်းစာကိုချစ်ခြင်းမေတ္တာ၌အခြေခံသော Theology ၊ဒါမှမဟုတ်ချစ်ခြင်းမေတ္တာရှုထောင့်နဲ့ဖတ်ခြင်းမရှိဘူးဆိုရင်ဘုရားပြုသမျှသောအရာတွေကအဓိပ္ပါယ်မရှိဖြစ်လာတတ်ပြီး၊ဘုရားရှင်ပြုသမျှ၊မပြုသမျှအရာအားလုံးဟာသူ့မေတ္တာကြောင့်ဆိုတာကိုသိမှတ်နားလည်နိုင်မှာမဟုတ်တော့ပါဘူး။ဒါကြောင့်ကျွန်တော်တို့ဘုရားအကြောင်းလေ့လာခြင်းဖြစ်တဲ့ theology ကချစ်ခြင်းမေတ္တာအပေါ်အခြေခံတဲ့လေ့လာခြင်းဖြစ်ဖို့အရေးကြီးတယ်လို့ဆိုလိုချင်တာပါ။ဧဒင်ဥယာဉ်မှာအာဒံနဲ့ဧဝကအသီးစားလို့၊ဘုရားစကားကိုနားမထောင်လို့ဘုရားသခင်ကဧဒင်ဥယျဉ်ကနေနှင်ထုတ်လိုက်တယ်လို့ပြောခြင်းကခရစ်ယာန်အချင်းချင်းပြောရတာအဆင်ပြေပေမယ့်တစ်ခြားခရစ်ယာန်မဟုတ်သောအခြားဘာသာဝင်တွေကနားလည်ရခက်သွားတယ်။ဘာကြောင့်လဲဆိုတော့ချစ်ခြင်းမေတ္တာဘုရားကအပြစ်လေးတစ်ခုလုပ်တာနဲ့မောင်းထုတ်ပစ်တယ်ဆိုတော့နားလည်ဖို့ခက်သွားတာပေ့ါ။သူတို့ရဲ့စိတ်ထဲမှာချစ်ခြင်းမေတ္တာဘုရားကဘာလို့ဒီလောက်ကပ်စေးကုပ်ရတာလဲ၊အသီးတစ်လုံးတောင်ပေးမစားတာလဲဆိုပြီးနားလည်ရခက်တာပေါ့။
ပထမဆုံးသိရမှာကအဲ့ဒီအသီးကကောင်းမကောင်းကိုသိစေတဲ့အသီးဖြစ်ပြီးကျမ်းစာထဲမှာဘုရားကမောင်းထုတ်လိုက်တယ်ဆိုတာမရှိပါဘူး။ကျမ်းစာကိုဖတ်တဲ့အခါ၊ကျမ်းစာထဲကအဖြစ်အပျက်ကိုဆင်ခြင်တဲ့အခါချစ်ခြင်းမေတ္တာရဲ့ရှု့ထောင့်ကကြည့်ပြီးဆင်ခြင်ရမှာဖြစ်ပါတယ်။အဲ့ဒါဆိုရင်ဧဒင်ဥယာဉ်မှာဘာဖြစ်ခဲ့တာလဲဘုရားသခင်ကအာဒံနဲ့ဧဝကိုထိုအသီးကိုမစားရ၊ကောင်းမကောင်းကိုသိစေသောထိုအသီးကိုမစားရတဲ့။စားတဲ့နေ့မှာသင်တို့သေရမယ်လို့သူကပြောခဲ့တာမှန်ပါတယ်။သေစေတဲ့အသီးကိုဘာကြောင့်များဘုရားကအဲ့မှာစိုက်ထားရတာလဲဆိုပြီးမေးစရာရှိပါတယ်။ကျွနု်ပ်တို့ဆွေးနွေးရမယ်ဆိုရင်အရှည်ကြီးပဲဒါပေမယ့်ဒီမှာတော့အတိုချုံးလေးရှင်းပြချင်တယ်။ဘာဖြစ်လို့အဲ့ဒီအသီးကဧဒင်ဥယျာဉ်ထဲမှာရှိရတာလဲဆိုရင်ဘုရားသခင်ကလူကိုဖန်ဆင်းတဲ့အခါလူကို Free will ဖြစ်တဲ့လွတ်လပ်စွာရွေးချယ်ခွင့်ကိုပေးထားတာဖြစ်တယ်။အဲ့တော့လွတ်လပ်စွာရွေးချယ်ခွင့်ပေးပြီးရွေးချယ်စရာမပေးဘူးဆိုရင်လည်းဒါကလှည့်ဖြားမှုတစ်ခုပြန်ဖြစ်ရော။ဟုတ်တယ်နော်။ရွေးချယ်ခွင့်ပေးတယ်ဆိုရင်ရွေးချယ်စရာလဲပေးရမှာဖြစ်တယ်။ဧဒင်ဥယာဉ်ထဲမှာအသီးတွေအများကြီးထဲမှာမှအပင်တစ်ပင်ရဲ့အသီးကိုစားတယ်ဆိုရင်စားတဲ့နေ့မှာသေမယ်ဆိုတာကိုဘာဖြစ်လို့ဘုရားသခင်ကသူတို့ကိုကြိုတင်ပြီးပြောထားတာလဲဆိုတော့ဘုရားကအာဒံနဲ့ဧဝကိုချစ်လို့ကြိုပြောထားတာဖြစ်တယ်။
သေတယ်ဆိုတဲ့စကာလုံးရဲ့မူရင်းစကားလုံးကိုလေ့လာကြည့်တဲ့အခါမှာသေခြင်းရဲ့အဓိပ္ပာယ်ကခွဲခွာခြင်းလို့အဓိပ္ပာယ်ရတယ်။ဘုရားရှင်ကအာဒံနဲ့ဧဝကိုပြောနေတာကနင်တို့ဥယာဉ်ထဲမှာရှိတဲ့အသီးတွေအားလုံးကြိုက်သလောက်စားလို့ရတယ်။ဒါပေမယ့်အဲ့ဒီအပင်ရဲ့အသီးကိုတော့မစားနဲ့၊ဘာကြောင့်လဲဆိုတော့စားတဲ့နေ့မှာသင်တို့နဲ့ငါကအတူတူနေလို့မရတော့ဘူး။ဘာဖြစ်လို့လဲဆိုရင်သဘာဝမတူဖြစ်သွားလိိမ့်မယ်။အသက်ရှင်တဲ့သတ္တဝါနဲ့သေတဲ့သတ္တဝါကအတူတူနေလို့မရတေ့ာဘူး။သေတယ်ဆိုတာကခွဲခွာခြင်းဖြစ်တာ..ခွဲခွာရတော့မယ်လို့ပြောနေတာဖြစ်တယ်။ချစ်လို့မခွဲခွါချင်လို့မစားဖို့တားတာ။ဧဒင်ဥယာဉ်မှာဖြစ်ပျက်တဲ့အရာကိုပိုပြီးနားလည်ဖို့ဥပမာပြောရမယ်ဆိုရင်၊ဆွေမျိုးအသိုင်းဝိုင်းတွေထဲကကျွနု်ပ်တို့အင်မတန်ချစ်တဲ့သူတွေသေသွားတဲ့အခါဘယ်လောက်ပဲသူတို့ကိုချစ်ချစ်သူတို့ရဲ့ရုပ်အလောင်းကိုအိမ်မှာအကြာကြီးထားလို့မရဘူး။
ဘာကြောင့်လည်းဆိုတော့သေခြင်းဆိုတာကခွဲခွါခြင်းဖြစ်ပြီးသေတဲ့အရာနှင့်ရှင်တဲ့အရာကသဘာ၀ခြင်းကွာကာအတူနေထိုင်လို့မရတော့လို့ပါ။ဘုရားသခင်ကအာဒံနဲ့ဧဝကိုဧဒင်ဥယာဉ်ထဲမှာပြောခဲ့တာကမင်းတို့ကိုငါဒဏ်ပေးမယ်လို့ပြောတာမဟုတ်ဘူး။အဲ့ဒီအပင်ရဲ့အသီးမှာကိုကဘုရားနဲ့ကွာစေတဲ့သေခြင်းဆိုတာရှိပြီးသားဖြစ်နေတာကြောင့်မစားဖို့၊မခွဲရဖို့တားမြစ်ထားတာပါ။မီးမှာအပူရှိသလို၊ရေခဲမှန်ရင်အေးတယ်။ထိုနည်းတူစွာဘဲဘုရားသခင်တားမြစ်ထားတဲ့ထိုအသီးမှာလည်းဘုရားနဲ့ခွဲခွါခြင်းဖြစ်တဲ့သေခြင်းဆိုတာရှိနေခဲ့တာပါ။အာဒံနှင့်ဧ၀ကသူတို့ပိုင်ဆိုင်ထားတဲ့လွတ်လပ်စွာရွေးချယ်ခွင့်နဲ့ဘုရားတားမြစ်တဲ့အရာကိုဆန့်ကျင်ပြီးလုပ်ဆောင်ကာထိုအသီးကိုစားလိုက်ဖို့ရွေးချယ်ခဲ့ကြတာပါ။ဘုရားကအာဒံနဲ့ဧဝကိုချစ်လို့မခွဲချင်လို့အဲ့ဒီအသီးကိုမစားနဲ့လို့ကြိုပြောထားတာဖြစ်တယ်။အာဒံနဲ့ဧဝကစားပြီးတဲ့အခါမှာမျက်စိတွေပွင့်လာပြီးသူတို့မှာအဝတ်မပါမှန်း၊ကိုယ်တုံးလုံးဖြစ်နေမှန်းသိလာကြတော့ဘုရားသခင်ကိုယ်တိုင်တိရိစ္ဆာန်ကိုတောင်သတ်ပြီးတိရိစ္ဆာန်ရဲ့အရေခွံနဲ့သူတို့ကိုအဝတ်တောင်လုပ်ပေးလိုက်သေးတယ်။ဘုရားကသူတို့ကိုမောင်းထုတ်တာမှန်ရင်အဲ့တာတွေလုပ်ပေးမှာမဟုတ်တော့ဘူး။အာဒံနှင့်ဧ၀ကတားမြစ်အသီးကိုစားလိုက်လို့ဘုရားကစိတ်ဆိုးတာထက်၊သူတို့ကိုချစ်လို့မခွဲခွါချင်စိတ်ကြောင့်ဝမ်းနည်းတာကပိုပြီးမြင်ရပါတယ်။ဒါတွေကုိအထင်နဲ့ပြောနေတာမဟုတ်ဘဲမြန်မာလိုမောင်းထုတ်တယ်ဆိုတဲ့နေရာမှာအင်္ဂလိပ်စကားလုံး Sent off ဆိုတဲ့စကားလုံးသုံးထားတာကိုတွေ့ရပါတယ်။ Sent off ဆိုတာကထွက်သွားတော့မယ့်လူတစ်ဦးဦးကိုပို့ဆောင်နှုတ်ဆက်တာလို့လည်းအဓိပ္ပါယ်ပေါက်ပါတယ်။မောင်းထုတ်တယ်ဆိုရင်ဘုရားသခင်အဝတ်တွေလုပ်ပေးစရာမလိုတော့ဘူး၊သူတို့ရဲ့လိုအပ်မည့်အရာတွေဖြည့်ပေးစရာမလိုတော့ဘူး. မောင်းထုတ်တာဆိုရင်ဟေ့ကောင်သွားတော့၊ဒိုးတော့၊ထွက်တော့ဆိုပြီးမောင်းထုတ်ရတယ်။အခုကျွနု်ပ်တို့ရဲ့မိတ်ဆွေတွေ၊ညီအစ်ကိုတွေဆုံးပြီးတဲ့သူတွေ၊သွားနှင့်တဲ့သူတွေ (ခရစ်တော်၌အိပ်ပျော်သွား)တဲ့လူတွေကိုကျွနု်ပ်တို့ကသင်္ချိုင်းတွေမှာသွားပြီးသွားနှုတ်ဆက်သလိုပဲသူ့ရဲ့တန်ဖိုးထားတဲ့အရာတွေ၊သူတို့အတွက်လိုအပ်တာလေးတွေကိုအတတ်နိုင်ဆုံးလုပ်ခဲ့ပေးပြီးတော့နှုတ်ဆက်သလို၊ဘုရားရှင်ကလည်းအာဒံနဲ့ဧဝကိုဧဒင်ဥယာဉ်ကနေနှုတ်ဆက်သွားလိုက်ရတာဖြစ်တယ်။
စိတ်ဆိုးလို့မောင်းထုတ်လိုက်ခြင်းမဟုတ်ပါဘူး။တကယ်လို့ဘုရားသခင်ကချစ်ခြင်းမေတ္တာဘုရားမဟုတ်ခဲ့ဘူးဆိုရင်ကြိုပြောစရာအကြောင်းလည်းမရှိပါဘူး။သူတို့ကိုနှုတ်ဆက်စရာအကြောင်းလည်းမရှိဘူး။ဒါကြောင့်မို့လို့ကျွနု်ပ်တို့ရဲ့Theologyကဘုရားသခင်သည်ချစ်ခြင်းမေတ္တာဖြစ်တယ်ဆိုတဲ့အရာအပေါ်မှာတည်ဆောက်ဖိို့အင်မတန်မှအရေးကြီးတယ်။ခရစ်ယာန်ရဲ့အသက်တာမှာလည်းပဲဘုရားသခင်သည်ချစ်ခြင်းမေတ္တာဖြစ်တယ်။ဘုရားသည်ချစ်ခြင်းမေတ္တာဖြစ်တဲ့အပြင်အရာခပ်သိမ်းကိုလည်းသိတဲ့ဘုရားဖြစ်တယ်။သူ့ရဲ့အကြံအစည်ကိုကျွနု်ပ်တို့ကစိတ်ချဖို့ဖြစ်ပါတယ်။သူကမလုပ်နဲ့ဆိုကျွန်တော်တို့ကောင်းဖို့ဘဲဖြစ်မယ်ဆိုတာကိုစိတ်ချရမယ်။ဘုရားသခင်ရဲ့အကြံအစည်တွေဟာကျွနု်ပ်တို့ရဲ့အကြံအစည်ထက်မြင့်တယ်လို့ကျမ်းစာထဲမှာဖော်ပြထားတယ်။ဘ၀မှာဘုရားသခင်ကိုပုန်ကန်ပြီးအသက်မရှင်ဘဲဝန်ခံပြီးအသက်ရှင်မှဘုရားပြုချင်တဲ့အကျိုးတွေကိုခံစားရမှာ။
ဒါကြောင့်ကျွနု်ပ်တို့ရဲ့Theology ဟာဘုရားသည်ချစ်ခြင်းမေတ္တာဖြစ်တယ်ဆိုတဲ့အပေါ်မှာတည်ဆောက်ထားတယ်ဆိုရင်ကျမ်းစာကိုလည်းအဲ့ဒီရှု့ထောင့်ကနေဖတ်တဲ့ခါဘုရားရှင်လုပ်သမျှအားလုံးကအဓိပ္ပါယ်ရှိလာလိမ့်မယ်။ဘုရားရှင်သည်ချစ်ခြင်းမေတ္တာဖြစ်တယ်။သူပြုသမျှသောအရာများသည်သူ့ချစ်ခြင်းမေတ္တာကြောင့်ပြုခြင်းဖြစ်တယ်။အဓိကပြောချင်တာကတော့ဘုရားဆိုတာဘာလဲဆိုတာပါ။ဘုရားဆိုတာနာမည်မဟုတ်၊ဂုဏ်ပုဒ်တစ်ခုသာဖြစ်ကြောင်းသိရပါတယ်။ဒါဆိုနောက်တစ်ခုထပ်လေ့လာရမှာက Who is God then? ဘုရားသခင်ကဘယ်သူလဲဆိုတာဘဲဖြစ်ပါတယ်။ထွက်မြောက်ရာကျမ်း၃း၁၄ “ဘုရားသခင်ကလည်း၊ငါသည်ငါဖြစ်သည်အတိုင်းငါဖြစ်၏ဟူ၍၄င်း၊ငါဖြစ်သည်ဟုအမည်ရှိသော သူသည်၊ငါ့ကိုသင်တို့ရှိရာသိို့စေလွှတ်တော်မူပြီဟုက္ကသရေလအမျိုးသားတို့အားပြန်ပြောလော့ဟူ၍၄င်း၊မောရှေအားမိန့်တော်မူ၏။”
ဒီကျမ်းစာဟာအင်မတန်မှအရေးကြီးတယ်။ယနေ့သင့်ရဲ့ Theology မမှန်ဘူးဆိုရင်သင့်ရဲ့အသက်တာမှာလည်းအမြဲတမ်းစိတ်ပျက်တဲ့ခရစ်ယာန်ဖြစ်လာပါလိိမ့်မယ်။ Theology ဆိုတာ Theo ဆိုတဲ့ဘုရားနှင့် Logy ဆိုတဲ့လေ့လာခြင်းတို့ပေါင်းစပ်ထားတဲ့ဘုရားကိုလေ့လာခြင်းလို့အဓိပ္ပါယ်ပေါက်ပါတယ်။ဘုရားသခင်ကိုလေ့လာတဲ့နည်းလမ်းတွေမမှန်ကန်ဘူးဆိုရင်၊ဘုရားသခင်ကိုမြင်တဲ့အမြင်လည်းမမှန်မကန်ဖြစ်လာမယ်။ဘုရားကိုမြင်ခြင်းမှာမှန်တဲ့အမြင်မရှိဘူးဆိုရင်ကျွနု်ပ်တို့ရဲ့အသက်တာတွေကအမြဲတမ်းစိတ်ပျက်တဲ့ခရစ်ယာန်တွေဖြစ်လာမယ်။ဒါကြောင့်မို့လို့ကျွနု်ပ်တို့သတိထားရမှာက “ဘုရားသခင်သည်သင်ဖြစ်စေလိုတဲ့အတိုင်း၊ဖြစ်သောဘုရားမဟုတ်ဘူးဆိုတာဦးစွာသတိထားစေချင်တယ်” ဘုရားသခင်သည်သင်ဖြစ်စေလိုတဲ့အတိုင်းဖြစ်သောဘုရားမဟုတ်ဘူး။ဘုရားသခင်သည်၊သူဖြစ်လိုသည့်အတိုင်းဖြစ်သောဘုရားသခင်၊ဖြစ်နိုင်သောဘုရားသခင်ဖြစ်ပါတယ်။
အဲ့ဒီအရာကအင်မတန်မှအရေးကြီးတယ်။ယနေ့ယုံကြည်သူတော်တော်များများရဲ့ခံယူချက်အမြင်ကဘုရားသခင်ကိုနင်ဖြစ်စေလိုသည့်အတိုင်းဖြစ်စေလို့ရတယ််။နင့်အတွက်ဘယ်လိုဖြစ်စေချင်လဲ..အကုန်လုံးဖြစ်လိမ့်မယ်ဆိုပြီးခံယူကြဟောကြတယ်။အဲတာကအမှန်မဟုတ်ဘူး။ဘုရားသခင်ကသူဖြစ်လိုသည့်အတိုင်းပဲသူဖြစ်ဖို့ဖြစ်တယ်။ကျွနု်ပ်တော်တို့ဖြစ်စေလိုသည့်အတိုင်းဖြစ်ဖို့မဟုတ်ဘူး။တကယ်လို့ဘုရားသခင်ကကျွနု်ပ်တော်တို့ဖြစ်စေလိုသည့်အတိုင်းဖြစ်ဖို့ဆိုရင်ကျွနု်ပ်တို့ဟာဘုရားထက်မြင့်သော၊ဘုရားထက်တန်ခိုးကြီးသောသူတွေဖြစ်သွားတော့တယ်။ဒါကြောင့်ဒီခံယူချက်ကအန္တရယ်များတယ်၊ကြောက်စရာကောင်းတယ်။ဘုရားရဲ့ဖြစ်စေလိုတဲ့အတိုင်းကျွနု်ပ်တို့ကလက်ခံ၊ဝန်ခံဖို့ဖြစ်ပါတယ်။ခရစ်ယာန်အသက်တာဆိုတာဘုရားကိုဝန်ခံပြီး၊ဘုရားဖြစ်စေလိုတာကိုအသက်တာမှာဝန်ခံရတာပါ။ဒါပေမယ့်သတင်းကောင်းကတော့ဘုရားကသင့်ကိုပိုကောင်းတဲ့သူဘဲဖြစ်စေချင်တယ်။အမြီးမဖြစ်စေဘဲဦးခေါင်းဖြစ်စေချင်တယ်၊ကျွန်မဖြစ်စေဘဲသားဖြစ်စေချင်တယ်။
အဲ့တော့ God is a Living Being who can Be Who He Wants to be to you. ဘုရားသည်အသက်ရှင်သောပုဂ္ဂိုလ်ဖြစ်ပြီး၊သူဖြစ်လိုသည့်အတိုင်းသင့်အတွက်ဖြစ်နိုင်သောဘုရားသခင်ဖြစ်တယ်။ဘုရားသခင်သည်သူဖြစ်လိုသည့်အတိုင်းသင့်အတွက်ဖြစ်နိုင်သောအသက်ရှိသော၊တန်းခိုးရှိသောပုဂ္ဂိုလ်ဖြစ်သည်။ခရစ်ယာန်တော်တော်များများကဘုရားရှင်ကသင်ဖြစ်စေလို့သည့်အတိုင်းဖြစ်မယ်လို့ခံယူကြတယ်။ဓမ္မဟောင်းခေတ်မှာဘုရားသခင်ရဲ့နာမတော်တွေအများကြီးရှိတယ်။အဲ့ဒီနာမတော်တွေကိုကျွနု်ပ်တို့လေ့လာကြည့်တဲ့ခါဘုရားသခင်ကိုသူတို့ကဒီလိုဖြစ်လော့၊ယေဟောဝါဘယ်သူဖြစ်လော့ဆိုပြီးဖြစ်စေခဲ့့ကြတာမဟုတ်ဘူး။ဘုရားသခင်ကအသုံးပြုခဲ့တဲ့အာဗြဟံတို့၊မောရှေတို့ကဘုရားသခင်သည်ယေဟောဝါဘယ်သူဖြစ်စေဆိုပြီးဖြစ်စေခဲ့ကြတာမဟုတ်ပါဘူး။ဘုရားသခင်ကအာဗြဟံလိုအပ်တဲ့အချိန်မှာသူလိုအပ်တဲ့ယဇ်ကောင်ကိုပြင်ဆင်ပေးပြီးတဲ့အခါမှာအာဗြဟံကယေဟောဝါယိရေ၊ပြင်ဆင်ပေးသောဘုရား၊ထောက်ပံ့ပေးသောဘုရားဆိုပြီးဝန်ခံလာတာဖြစ်တယ်။ဒီနေ့ခရစ်ယာန်တွေရဲ့ပြောင်းပြန်ကျတာကဘာလဲဆိုရင်ဘုရားကိုသူတို့ဖြစ်စေလိုသည့်အတိုင်းဖြစ်စေချင်တဲ့ခရစ်ယာန်တွေများလာတယ်။
ဒါကြောင့်မို့လို့စိတ်ပျက်တဲ့ခရစ်ယာန်တွေ၊ခရစ်ယာန်ထဲကိုဝင်လာပြီးတော့၊ရေနှစ်ခံခြင်းခံပြီးတော့သူတို့ရဲ့လိုချင်တဲ့အတိုင်းဘုရားကမဖြစ်ပေးတဲ့ခါမှာတော်ပြီကွာဆိုတဲ့လူတွေများလာတာဟာကျွနု်ပ်တို့ရဲ့ Theology ကမှားနေတာ၊ဧဝံဂေလိတင်ဆက်တဲ့ခါမှာသင်ဟာဘုရားကိုအမိန့်ပေးနိုင်သောပုဂ္ဂိုလ်လို့သဘောသက်ရောက်အောင်သင်ပေးမိတဲ့ခါလူတွေရဲ့ယုံကြည်ခြင်းကမှားသွားတာဖြစ်တယ်။ဘုရားသခင်သည်သင်ဖြစ်စေလိုတဲ့အတိုင်းဖြစ်သောဘုရားမဟုတ်ပဲဘုရားသခင်သည်သူဖြစ်လိုသည့်အတိုင်းဖြစ်သောဘုရားရှင်ဖြစ်ပါတယ်။ဘုရားဖြစ်လိုသည့်အတိုင်းကျွနု်ပ်တို့ကဝန်ခံဖို့ဖြစ်တယ်။ဓမ္မဟောင်းမှာနာမတော်တွေကိုလေ့လာကြည့်ပါထာဝရဘုရားသခင်သည်ငါ၏သိုးထိန်းဖြစ်တော်မူ၏လို့ပြောတဲ့ခါ ဘုရားသခင်သည်ငါ၏သိုးထိန်းဖြစ်စေဆိုပြီးတော့ ဒါ၀ိဒ်မင်းကြီးကပြောခဲ့တာမဟုတ်ပါဘူး။ဘုရားကသူဖြစ်စေလိုသည့်အတိုင်းဖြစ်ပေးတာမဟုတ်ဘူး။ဘုရားဖြစ်နေတာကိုမြင်ပြီးတော့မှတင်စားတာဖြစ်ပါတယ်။
ဒါကြောင့်မိို့လို့ဘုရားသခင်သည်သင်ဖြစ်စေလိုသည့်အတိုင်းဖြစ်တဲ့ဘုရားမဟုတ်ဘူး။သူဖြစ်လိုသည့်အတိုင်းဖြစ်သောဘုရားသခင်ဖြစ်တယ်။ဘုရားသခင်ရဲ့အကြံအစည်တွေကိုစိတ်ချပြီးတော့အသက်ရှင်တဲ့သူဖြစ်ပြီး၊ဘုရားသည်သူဖြစ်လိုသည့်အတိုင်းဖြစ်သောဘုရားသခင်ဖြစ်တယ်၊သူသည်ကျွနု်ပ်အတွက်ကောင်းတဲ့ဘုရားဖြစ်တဲ့အတွက်သူ့ထံမှကောင်းတဲ့အရာကိုမျော်လင့်မယ်ဆိုပြီးအသက်ရှင်ကြည့်လိုက်ပါ။ယုံကြည်ခြင်းဆိုတာဘုရားသခင်ကိုကိုယ်စိတ်ကြိုက်၊လိုသလိုခိုင်းဖို့မဟုတ်ပါ။ဘုရားသခင်ကသူစိတ်ကြိုက်သလိုခိုင်းစေသောသူကိုယ်ကဖြစ်ရဲခြင်း၊လုပ်ရဲခြင်းဖြစ်တယ်။ကျမ်းစာထဲမှာလည်းယုံကြည်ခြင်းကဘုရားသခင်ကိုခိုင်းဖို့မဟုတ်ဘူး။ဘုရားသခင်ကိုအမိန့်ပေးဖို့မဟုတ်ဘူး။ပြောင်းပြန်ဖြစ်တဲ့ဘုရားသခင်အမိန့်ပေးတာကိုဝန်ခံရဲဖို့ပါ။ဘုရားသခင်သည်သူဖြစ်လိုသည့်အတိုင်းသင့်အတွက်ဖြစ်နိုင်သောဘုရားသခင်ဖြစ်ပါတယ်။သင်ဖြစ်စေလိုသည့်အတိုင်းဖြစ်သောဘုရားမဟုတ်ပါဘူး။လိုတရဘုရားမဟုတ်ဘူး။ကျွနု်ပ်တော်တို့ကဘုရားသခင်ရဲ့အလိုတော်ကိုဝန်ခံဖို့အသက််ရှင်ကြတဲ့သူတွေပါတယ်။
ဘုရားကကိုယ့်အလိုကိုဝန်ခံဖို့၊ကိုယ့်အလိုအတိုင်းပြည့်စေဖို့တည်ရှိတဲ့ဘုရားမဟုတ်ဘူးဆိုတာကိုအတွင်နှလုံးထဲကခံယူလက်ခံဖို့အထူးလိုအပ်တယ်။ဘုရားဆိုတာဘယ်တစ်စုံတစ်ဦးအပေါ်မှာမှမှီဝဲခြင်းမရှိဘဲ၊သူ့ကိုယ်သူတည်ရှိကာ၊အရာရာတို့ရဲ့အစလည်းဖြစ်ပြီးစကြာဝဠာမှာရှိသောအရာခပ်သိမ်းကိုဖန်ဆင်းပြီးတော့ထိုအရာခပ်သိမ်းကိုသူ့ရဲ့တန်ခိုးတော်၊သူရဲ့ဉာဏ်ပညာတော်နှင့်သူ့ရဲ့ချစ်ခြင်းမေတ္တာတော်တွေအားဖြင့်ယနေ့ထိတိုင်အောင်တည်တန့်ခိုင်မြဲစေတဲ့အသက်ရှိတဲ့ပုဂ္ဂိုလ်ဖြစ်ပါတယ်။
ဆင်ခြင်ရန်မေးခွန်းများ
၁။ဘုရားဆိုသည်မှာအဘယ်နည်းလို့မေးရင်ဘယ်လိုဖြေမလဲ။
၂။ဘုရားသခင်ကချစ်ခြင်းမေတ္တာဆိုရင်ဘာကြောင့်အာဒံနှင့်ဧ၀ကိုဧဒင်ဥယျာဉ်ထဲကမောင်းထုတ်တာလဲဆိုရင်ဘယ်လိုဖြေမလဲ။
၃။ဘုရားသခင်သည်သင်ဖြစ်လိုသည့်အတိုင်းဖြစ်တဲ့ဘုရားလား။ဒါမှမဟုတ်ဘယ်လိုမျိုးဘုရားလဲ။
၄။ယုံကြည်သူတော်တော်များများကဘာကြောင့်စိတ်ပျက်နေကြတာလဲ။